300 பக்கங்களை ஒரே மூச்சில் படித்த எந்திரன்!

விஞ்ஞானியான ரஜினி, தன் அரிய கண்டுபிடிப்பால் எந்திரனை உருவாக்குகிறார். அந்த எந்திரன் தோற்றத்தில் இன்னொரு ரஜினியாக இருக்கிறது. மொழியைப் படிக்கவும், பேசவும் மற்ற மனிதர்களைப் போலவே இயங்கக்கூடிய விதத்தில் பார்வைக்கு மனிதனைப் போலவே தோற்றமளித்தாலும் அந்த எந்திரனுக்குள், கம்ப்யூட்டர் மூளை செயல்படுவதால்... மனித சக்திக்கு அப்பாற்பட்ட அரிய சக்திகள் பலவும் எந்திரனுக்கு இருக்கின்றன.

எந்திரனின் தோற்றம் மற்ற மனிதர்களுடன் ஒத்திருக்கிறதா, இல்லையா என்பதை சோதித்துப் பார்க்க விரும்பும் விஞ்ஞானி, அதைக் கூட்டிக் கொண்டு தான் வழக்கமாக முடி திருத்திக் கொள்ளும் சலூனுக்குப் போகிறார்.

உள்ளே போனதும், அங்கிருக்கும் முடி திருத்தும் கலைஞர்கள் எல்லோரும் ரஜினியுடன் இன்னொரு ரஜினியும் வருவதாப் பார்த்து அதிசயப்படுகிறார்கள். அதில் ஒருவர் விஞ்ஞானி ரஜினியிடம், ‘யார் இவர்... உங்களைப் போலவே இருக்காரே?’ என்று கேட்க, அதற்கு, இவர் என்கூட பிறந்தவர்...!” என்கிறார் விஞ்ஞானி ரஜினி.

கூடப் பிறந்தவன்னா, ‘இதுவரைக்கும் இவரை இங்கு கூட்டிக்கிட்டே வந்ததில்லையே...!” என்று பதிலுக்கு அவர் கேட்க, “இவர் நேத்துதானே பிறந்தார்...!!” என்று ரஜினி பதில் சொல்லி, பிறகு சமாளிக்கிறாராம்.

சலூனில், உட்கார்ந்து கொண்டிருக்கும் வேளையில், எந்திரன் ரஜினி படிக்க புத்தகம் கேட்க, அவரிடம் கொடுக்கப்படும் புத்தகங்கள் அத்தனையையும் உடனுக்குடன் படித்துக் கொடுத்துவிட்டு, வேறு புத்தகம் கேட்பாராம் எந்திரன் ரஜினி.

இந்த தொல்லை தாங்காத சலூன்காரர், 300 பக்கங்களுக்கு மேல் உள்ள ஒரு புத்தகத்தைக் கொடுக்க, அதையும் சில நிமிடங்களில் மண்டையில் ஏற்றிக் கொள்வாராம் எந்திரன்.

எதையும் படிக்காமல், சும்மா ஒப்புக்குத்தான் அவர் விளையாடுகிறார் என்று நினைத்த சலூன்காரர், எந்திரனிடம், அந்தப் புத்தகத்தில் அவர் படித்ததைப் பற்றிய கேள்விகளைக் கேட்க, இன்ன புத்தக்த்தில் இத்தனாம் பக்கத்தில் இந்த விஷயம் எழுதப்பட்டிருக்கிறது என்று, இதுவரை படித்ததையெல்லாம் எந்திரன் புட்டுப்புட்டு வைக்க, அதிர்ச்சியில் மயக்கம் போடாத குறையாக அங்கிருந்து விரைகிறாராம் சலூன்காரர்... நடப்பதையெல்லாம் வேடிக்கைப் பார்த்தபடி சிரித்துக் கொண்டிருப்பார் இது அத்தனைக்கும் காரணகர்த்தாவான விஞ்ஞானி ரஜினி.

-இது எந்திரனில் இடம்பெறும் ஒரு காட்சி.

இதை நாம் லீக் செய்யவில்லை. எந்திரன் தயாரிப்பாளர்களே வெளியிட்டிருக்கும் காட்சி மற்றும் படங்கள் இவை. வெளிவந்த இதழ் குங்குமம்!!

அதைவிடுங்க...

இந்தக் காட்சியை ரஜினி எப்படிச் செய்திருப்பார்... அதுவும் இரண்டு ரஜினிகளும் ஒரே காட்சியில் தோன்றுவது நிஜமாகவே சுவாரஸ்யமான காட்சியமைப்புதான்.

ஒரு சாம்பிளுக்கே இப்படியென்றால்... இன்னும் படம் பற்றிக் கேட்க வேண்டுமா...!

மீண்டும் வருக!

நண்பர்களே... புதிய பொலிவுடன் www.envazhi.com விரைவில் வெளிவர உள்ளது. அதுவரை www.vinojasan.blogspot.com-லும் சந்திக்கலாம்.

நன்றி...

வினோஜாசன்

நடிப்பில் சலிப்பு வராதது ஏன்? – ரஜினியின் விளக்கம்!

25 ஆண்டுகளுக்கும் மேலாக நடிப்புத் துறையில் இருந்தாலும் இன்னும் சலிக்காமல் தான் நடிப்பது எப்படி? என்பதை சூப்பர் ஸ்டார் ரஜினியே கூறியுள்ளார்.

இதுகுறித்து இயக்குநர் லிங்குசாமி, தனது சொந்தத் தயாரிப்பான பட்டாளம் பட ஆடியோ ரிலீஸ் விழாவில் இப்படிக் கூறினார்:

சினிமாவில் தொடர்ந்து நடிக்க ஒரு Passion இருக்க வேண்டும். அதே போல இலக்கு முக்கியம்.

நான் ஒரு முறை ரஜினிகாந்திடம் பேசிக்கொண்டிருந்தபோது, சுமார் 25 வருடங்களாக திரையுலகில் நடித்துக்கொண்டிருக்கிறீர்கள். உங்கள் இளமையும் வசீகரமும் அப்படியே இருக்கிறது. நடிப்பில் உங்களுக்கு சலிப்பே வரவில்லையா? என்று கேட்டேன்.

அதற்கு அவர், 1992-லிருந்து ஒவ்வொரு படம் நடிக்கும்போதும், இதுதான் நம்ம முதலும் கடைசியுமான படம் என்று நினைப்பேன்.

ஆனால் காலம் என்னை இவ்வளவு தூரம் இழுத்துக் கொண்டு வந்து விட்டது என்று சொன்னார். ரஜினி சார் ஒரு நிஜமான லெஜன்ட்.

ஒவ்வொரு படத்தையும் தனது கடைசி படமாக நினைத்து உழைக்க எந்த அளவு மனப்பக்குவம் வேண்டும் தெரியுமா... நிச்சயம் வேறு யாருக்கும் இந்தப் பக்குவம் வராது. அதனால்தான் அவர் ஒரு சகாப்தமாகப் பார்க்கப்படுகிறார். புதிய தலைமுறை படைப்பாளிகள் இதை மனதில் கொள்ள வேண்டும், என்றார் லிங்குசாமி.
http://www.envazhi.com

யார் தமிழன்? - ஒரு அலசல்

சில அரசியல் தலைவர்கள் நம் தமிழ்நாட்டை ஒரு தமிழன்தான் ஆளவேண்டும் என்று சொல்லியிருக்கிறார்களே. இதுபற்றி உங்கள் கருத்து என்ன?

'வரவேற்கத்தக்கது. சரியாத்தான் சொல்லியிருக்காங்க. தமிழ்நாட்டை ஒரு செட்டியாரோ, முதலியாரோ, கவுண்டரோ, தேவரோ, பிராமினோ அல்லது நான் பிராமினோ ஆளவேண்டும் என்று சொல்லலையே. ஒரு தமிழன்தான் ஆளவேண்டும் என்றுதானே சொல்லியிருக்காங்க. என்னைப் பொறுத்தவரை தமிழ் பேசுபவர்கள் அத்தனை பேரும் தமிழர்கள்தான்!'

-1995-ம் ஆண்டு சூப்பர் ஸ்டார் ரஜினி அளித்த தூர்தர்ஷன் பேட்டியில் ஒரு கேள்விக்கான அசத்தல் பதில் இது. (நன்றி: ஜெ. ராம்கி, ரஜினிபேன்ஸ்.காம்).

பனிரெண்டு ஆண்டுகளுக்கு முன் குறிஞ்சிப் பூ பூத்த மாதிரி ரஜினி உதிர்த்த வார்த்தைகள் இவை. தமிழன் என்பதற்கு அவர் தன் பாணியில் தந்த இந்த விளக்கத்தை விட பொருத்தமான இன்னொன்றை யாராலும் தர முடியாது. (அட, என்ன ஒற்றுமை பாருங்கள். மீண்டும் பனிரெண்டு ஆண்டுகள் கழித்து இதேபோன்ற ஒரு அற்புத பேட்டியை ரசிகர்களுக்குத் தந்திருக்கிறார் நம்ம ‘சூப்பர் தலைவர்’!)

சரி... தமிழ்நாட்டை தமிழன்தான் ஆளவேண்டுமா... ரஜினியை மட்டும் மனதில் கொள்ளாமல் ஒரு பொதுவான கருத்து வேண்டும் என சில தலைவர்களைத் தொடர்பு கொண்டோம். நம்மிடம் தொடர்ந்து நட்புடன் பேசும் மிகச் சிலரை மட்டுமே இந்த குறுகிய நேரத்தில் தொடர்பு கொள்ள முடிந்தது.

அவர்களது கருத்துக்கள் சுருக்கமாக:

இல. கணேசன்

முதலில் நாம் இந்தியர்கள். அந்த நினைப்புதான் இறுதிவரை நமக்கு இருக்க வேண்டும். பிறப்பால் தமிழராக இருந்தாலும், உணர்வால் இந்தியர்களாகச் செயல்பட்டவர்களால்தான் செயற்கரிய சாதனைகள் பல செய்ய முடிந்த்து. அவர்களால்தான் இந்த தமிழ்நாட்டுக்கும் தமிழர்களுக்கும் பெருமை கிடைத்தது. தமிழர்களாக இருப்போம். இந்தியர்களாகச் செயல்படுவோம்.

ரஜினியை தமிழர் என்ற குறுகிய கண்ணோட்டத்துக்குள் யாருமே பார்க்கத் தேவையில்லை. அவர் நிஜமாகவே தமிழராக இருந்தாலும், இந்தியனாகத்தான் செயல்படுவார். அதுதான் அவர் இயல்பு.

பாரதிராஜா

பொம்மலாட்டம் பத்திரிகையாளர் சந்திப்பு முடிந்த கையோடு அவரை அணுகினோம்... ‘என்னை விட மாட்டியா நீ...’ என்று சிரித்தபடியே பேச ஆரம்பித்தார்!

தமிழ்நாட்டை தமிழர்தான் ஆள வேண்டும் என்பதில் என்ன தவறு இருக்கிறது. தமிழன் என்ற வார்த்தைக்கு ரஜினி சொன்ன விளக்கத்தை முழுமையாக ஏற்க முடியாது. தமிழ் பேசும் எல்லாரும் தமிழர்களாகி விடமாட்டார்கள். ஆனால் உணர்வால் தமிழர்களாக, தமிழர் நலம் காக்கும் ஆர்வமுள்ளவர்களாக இருக்க வேண்டும்.

ஆனால் யார் சொன்னாலும் சொல்லாவிட்டாலும், ரஜினி தமிழ்நாட்டைச் சேர்ந்தவராகிவிட்டார் என்பதை ஒப்புக் கொள்கிறேன். தமிழகத்தைச் சேர்ந்த மிகச் சிறந்த மனிதர்... போதுமாய்யா! (சிரிப்பு)

சார்... எனக்காக சொல்லணும்னு கேக்கல. ஜஸ்ட், உங்க அபிப்பிராயம் சொல்லுங்க...!

அட, எல்லார்கிட்டேயும் சொல்கிற அதே அபிப்பிராயம்தான்யா இது. நான் எங்கேயாவது ரஜினி தமிழ்நாட்டைச் சேர்ந்தவரில்லைன்னு பேசியிருக்கேனா.. இலங்கைத் தமிழருக்காக ராமேஸ்வரத்தில் நடத்திய போராட்டத்தின் போது கூட, தமிழர்களால் மிகப் பெரிய அந்தஸ்து பெற்றுள்ள ரஜினி, கமல் போன்ற நம்ம தமிழ் சூப்பர் ஸ்டார்கள் அறிக்கை விடணும்னுதான் கேட்டேன். விமர்சிக்கலை. அட, இதை சிரஞ்சீவிகிட்டேயா கேட்க முடியும். நம்மாளுங்க கிட்டதானேய்யா கேட்க முடியும்!

ஆனா நடிகர் சங்க உண்ணாவிரதத்துல, நாங்களே எதிர்பார்க்காத அளவுக்கு அருமையா தனது தமிழுணர்வைக் காண்பிச்சிட்டார் ரஜினி. அவரை ஏன் நான் குறை சொல்லப் போறேன். ஆனா, அவரது அரசியல் பத்தி இப்ப பேச மாட்டேன். அதுக்கான தருணம் வரல...

சோ எஸ் ராமசாமி

அடிக்கடி சோ கிட்ட கருத்து கேக்கறீங்களே-ன்னு சிலர் நினைக்கக் கூடும். அதற்கு ஒரு விளக்கம்: நான் மகான் அல்ல படத்தில் ஒரு காட்சியில் சோ போலீசில் மாட்டிக் கொள்வார்.

அப்போது அவரைக் காப்பாற்ற வரும் ரஜினியிடம் போலீஸ்: மிஸ்டர் விஸ்வநாத், இவரை (சோவை) உங்களுக்குத் தெரியுமா?

ரஜினி: என்னைப் பத்தி ‘தெரிஞ்ச’வர் இவர் மட்டும்தான்!

இது சினிமா டயலாக் மட்டுமல்ல... உண்மையும் கூட.

அதனால் அவர் கருத்து எப்போதும் தனி கவனம் பெறுகிறது!

12 வருஷமானாலும் ரஜினி சொல்ற எந்த வார்த்தைக்கு பவர் மட்டும் போகாதுங்கறதுக்கு இது ஒரு சாட்சி!

அவர் சொன்னதுதான் சரி. தமிழ் பேசறவங்கல்லாம் தமிழர்கள்தான். தமிழை ஆர்வமில்லாம, உணர்வில்லாம யாராலாவது கத்துக்க முடியுமா... மெட்ராஸ்ல தங்கி செட்டிலாயிட்டவங்கல்லாம் மதராஸி ஆன மாதிரி, தமிழ்நாட்டுல செட்டிலாகி, தமிழ் பேசுறவங்க தமிழர்கள்தானே...

ஆனா ரஜினி இந்த ‘கேட்டகிரி’ இல்ல. அவர் நிஜமாகவே தமிழுணர்வுள்ள தமிழன். இதுக்காக என் ஊர் கிருஷ்ணகிரின்னு எல்லாருக்கும் நிரூபிக்க வேண்டிய அவசியமே கிடையாது. இங்க அரசியலுக்காக தமிழையும், தமிழ் உணர்வையும் வியாபாரமாக்கறவங்களைவிட பல மடங்கு உயர்வான தமிழர் அவர்!

-வினோஜாசன்
http://www.envazhi.com

கேளாதீர்கள்; கிளறாதீர்கள்!!

இந்தச் செய்திக்கு தனியாக ஒரு கமெண்ட் எழுத வேண்டிய அவசியமே இல்லாத அளவுக்கு கலைஞர் பார்த்துக் கொண்டது அவரது இலக்கிய மேதைமையைக் காட்டுகிறது.

அழகிரியும் ஸ்டாலினும் மாறன் சகோதரர்களுடன் சமாதானமான பிறகு பத்திரிகையாளர்களுக்கு முதல்வர் கருணாநிதி அளித்துள்ள பேட்டி (கேள்வி கேட்பதில் நம்மாளுங்க எவ்வளவு வீக்குன்னு தெரி்ஞ்சுக்க இன்னொரு சான்ஸ்!):

இந்த சந்திப்பு உங்களுக்கு எப்படி இருக்கிறது?

சந்தோஷமாக இருக்கிறது.

இந்த சந்திப்பு எதனால் நடந்தது?

இதயத்தால் நடந்தது.

தயாநிதி மாறனுக்கு மீண்டும் மத்திய அமைச்சர் பதவி கிடைக்க வாய்ப்புள்ளதா?

அதுபற்றி எல்லாம் இப்போது பேச விரும்பவில்லை.

உணர்வுபூர்வமாக எப்படி இருந்தீர்கள்?

எனக்கு கோபம் வரும்போதும், வருத்தம் வரும்போதும் எப்படி இருந்தேனோ அப்படித்தான் மகிழ்ச்சியின்போதும் இருந்தது.

கடந்த ஒரு வாரத்துக்கு முன்பு கூட அறிக்கை மோதல் நடந்தது. இதனிடையே இந்த திடீர் சந்திப்புக்கு என்ன காரணம்?

இதற்கு மூல காரணமாக இருந்து நிறைவேற்றி வைத்து எல்லோருக்கும் மகிழ்ச்சி தந்த பொறுப்பு மு.க.அழகிரியை சார்ந்தது. அவருடன் இணைந்து மு.க.ஸ்டாலின் செயல்பட்டு, இந்த நல்ல முடிவு ஏற்பட்டது.

குருபெயர்ச்சியால் ஏற்பட்ட விளைவா இது?

எங்கள் குருவையே நாங்கள் எதிர்த்த பிறகு, அந்த குருவுடன் இணைந்து செயல்பட்டதுதான் திராவிட இயக்க வரலாறு.

பேரன்கள் எல்லோரையும் பார்த்ததில் ஏற்பட்ட உணர்வு எப்படியிருந்தது?

கண்கள் பனித்தன; இதயம் இனித்தது.

அழகிரியின் மனமாற்றத்துக்கு என்ன காரணம்?

மனமிருந்தது. எனவே மாற்றம் ஏற்பட்டது.

மதுரையில் சன்டிவி, கே டிவி தெரியாத நிலை இருந்தது. இதன் பிறகு சுமூக தீர்வு ஏற்படுமா?

கேளாதீர்கள். கிளறாதீர்கள்.

அரசியலில் நிரந்தர நண்பனும் இல்லை. நிரந்தர எதிரியும் இல்லை. அப்படி இதை எடுத்துக் கொள்ளலாமா?

அது உங்கள் பொறுப்பு. அரசியலுக்கும் இதற்கும் சம்பந்தம் இல்லை.

அடுத்தகட்டமாக அரசியல் ரீதியாக, தொலைக்காட்சி ரீதியாக என்ன செய்வீர்கள்?

கலந்து பேசி தேவைப்படும் உரிய முடிவுகளை எடுப்போம்.

இந்த இணைப்பு விழாவுக்கு கனிமொழி வரவில்லையே?

எம்.பி.க்கள் குழுவுடன் விமான நிலையம் சென்று விட்டார். அதன் பிறகுதான் இவர்கள் வந்தார்கள். இப்போது திரும்பி வந்து கொண்டிருக்கிறார்.

தயாநிதி மாறன் மீண்டும் அரசியல் பணிகளில் ஈடுபடுவதாக தெரிவித்தாரா?

பேசுவதற்கு அவ்வளவு நேரம் கிடைக்கவில்லை.

நாளை டெல்லி செல்லும் எம்.பி.க்கள் குழுவில் பங்கேற்பாரா?

மனித சங்கிலிக்கு வந்தார் அல்லவா.

இனிமேலாவது எல்லோரும் ஒற்றுமையாக இருப்போம் என்று வாக்குறுதி தந்திருக்கிறீர்களா?

இந்த கேள்வி ஒன்று போதும். அவர்களின் உள்ளங்களை ஒன்றுபடுத்த.

சமரசத்தின் பின்னணி என்ன?

அழகிரி, ஸ்டாலின்.

கேட்க மறந்த அல்ல மறக்கடிக்கப்பட்ட கேள்விகள்:

மதுரை தினகரன் அலுவலக ஊழியர்கள் எரிப்பு விவகாரம் இனி என்ன ஆகும்?

'மதுரையில் அராஜகம் செய்யும் ரவுடி அழகிரியும் அவர் கும்பலும்' என்று வாசித்து வந்த சன் டிவி, இனி 'மதுரை மீட்ட சுந்தர பாண்டியன் அழகிரி' என வர்ணிக்குமா...?

கலைஞர் தொலைக்காட்சி ஊழியர்களுக்கு சங்குதானா...?

தினகரனில் மீண்டும் கருத்துக் கணிப்பு வருமா?

சன் டிவி ஜெயலலிதாவுடன் செய்து கொண்டதாகச் சொல்லப்பட்ட ஒப்பந்தம் என்னாச்சு?

அடிக்கடி தன் முகத்தை சன்னில் பார்த்துத் திருப்திப்பட்டுக் கொண்ட 'கருப்பு எம்ஜிஆர்கள்' கதி என்ன?

குசேலன் வசூல் - சில உண்மைகள்!

குசேலன் என்ற படத்தின் தகுதி, தரம் இவற்றையெல்லாம் ஒதுக்கித் தள்ளிவிட்டு, ரஜினி மீதான காழ்ப்புணர்ச்சியை மட்டுமே காரணமாக்கி அந்தப் படத்தை முதல் வாரத்திலேயே தோல்விப்படம் என முத்திரைக் குத்தி விட்டது மீடியா.

முன்பே சொன்னது போல, இந்தப் படத்தில் ஆளுக்கு ஒரு பங்கு வேண்டும் என மீடியா வெளிப்படையாகக் கேட்காதது ஒன்றுதான் பாக்கி. மற்றெல்லாவற்றையும் செய்துவிட்டார்கள்.
இந்தப் படம் ஓடக் கூடாது என்று வெளிப்படையாகவே வேலை பார்த்தன பத்திரிகைகளும் சில சேனல்களும்.

ரஜினியின் ரசிகர் என்பதையும் தாண்டி ஒரு நல்ல சினிமா பார்வையாளனாக குசேலன் விவகாரத்தைப் பார்த்த அனைவருமே இந்தக் கருத்தை ஒப்புக் கொள்வார்கள்.
படத்தைப் பார்த்துவிட்டு, அழுத கண்களோடு வெளியில் வந்த அதே பத்திரிகையாளர்கள், படம் பார்க்கும்போது இருந்த இளகிய மனதை பொறாமைக்கு அடகு வைத்து, பொய்யெழுதி தங்கள் வக்கிரத்தைத் தீர்த்துக் கொண்டார்கள்.

ரஜினி கேட்காத மன்னிப்பைக் கேட்டதாக பிரச்சாரம் செய்து அவருக்கு எதிரான போக்கை உருவாக்க முயற்சி செய்தார்கள். ஒரு கவுரவ வேடத்தில் நடிக்க அவர் ரூ.26 கோடி வாங்கியதாக கூசாமல் பேசினார்கள்.

எந்தப் படமாக இருந்தாலும் குறைந்தது 3 மாதங்கள் வரையாவது பொறுமை காக்கும் திரையரங்க உரிமையாளர்கள், மூன்றாவது நாளே நஷ்ட ஈடு கேட்டு போர்க்கொடி தூக்கியதுதான் கொடுமை. இந்தப் படம் தூக்கப்படுவதற்கு ஒரு நாள் முன்பு வரைகூட பெரும்பாலான திரையரங்குகளில் 50 சதவிகித பார்வையாளர்களைப் பார்க்க முடிந்தது. 10 சதவிகிதம் கூட பார்வையாளர்கள் இல்லாத பல படங்களை 200 நாட்கள் ஓட்டி சாதனைப் படைத்த திரையரங்கு உரிமையாளர்கள் படம் தோல்வி, அதிக விலைக் கொடுத்துவிட்டோம், நஷ்ட ஈடு வேண்டும் என பத்திரிகைகள் மூலம் செய்த பிரச்சாரம் நாடறிந்தது.
போகட்டும்...

இப்போது, வெளிநாட்டில் இந்தப் படம் எந்தளவு சாதனைப் படைத்துள்ளது என்ற விவரங்கள் கிடைத்துள்ளன.

இங்கிலாந்தில் மட்டும் இந்தப் படம் வசூல் செய்த மொத்தத் தொகை கிட்டத்தட்ட ரூ.89 லட்சம். வெளியான முதல் வாரத்தில் 13-வது இடத்தில் இருந்தது குசேலன். கமல்ஹாசனின் தசாவதாரம் ரூ.1.07 கோடிகளை வசூலித்துள்ளது. ஒரு சூப்பர் ஹிட் படம் எனப்பட்ட தசாவதாரத்துக்கும், தோல்விப் படம் என இவர்கள் வர்ணித்த ரஜினியின் குசேலனுக்கும் இடையிலான வசூல் வித்தியாசம் ரூ.19 லட்சம்! தசாவதாரத்தைக் குறைத்துச் சொல்ல இங்கே இதைக் குறிப்பிடவில்லை. ஒரு வணிக ஒப்பீட்டுக்காகத்தான்.

மற்ற நடிகர்களின் வெற்றிப் படங்கள், ரஜினியின் தோல்விப் பட வசூலுக்குச் சமம் என்பது மீண்டும் ஒருமுறை நிரூபணமாகியுள்ளதைக் குறிப்பிடவே இதைச் சொல்கிறோம்.
அமெரிக்கா மற்றும் தென்கிழக்கு ஆசிய நாடுகளில் மிகச் சிறந்த படமாகப் பார்க்கப்பட்ட குசேலன், சிங்கப்பூர், மலேசியாவில் மட்டும் ரூ.5.96 கோடிகளை வசூலித்ததாக சிங்கப்பூர் ஸ்ட்ரெயிட்ஸ் செய்தி வெளியிட்டுள்ளது.

இந்த வெளிநாட்டு பாக்ஸ் ஆபீஸ் விவரங்களை முழுமையாகக் கொண்டுவரும் முயற்சியில் இறங்கியுள்ளனர் ரஜினி ஆதரவாளர்கள் சிலர். இதையே சாய்மிரா நிறுவனமும் சில தினங்களுக்கு முன் உறுதிப்படுத்தியது நினைவிருக்கலாம்.

ரஜினிக்கு பகிரங்கக் கடிதம், வேறு பெயரில் ஒளிந்து கொண்டு மோசடிக் கடிதம் என்றெல்லாம் எழுதிய அஞ்ஞானிகள், இப்போது ரஜினி கூறிய விளக்கத்தைக் கேட்டதும் வாயை மூடிக் கொண்டிருப்பது ஏன்? அதே முக்கியத்துவத்துடன் ரஜினி விளக்கத்தையும் வெளியிட்டிருக்கலாமே!

மீடியா எப்போதும் ஒரு தலைப்பட்சமாக நடந்து கொள்வதும், சம்பந்தப்பட்ட நபர் மீது இவர்கள் சுமத்திய குற்றச்சாட்டு பொய் எனத் தெரிந்த பின் குறைந்த பட்சம் அதற்கான வருத்தம் கூடத் தெரிவிக்காததும் எந்த வகை தர்மத்தில் சேர்த்தி?
காலம் கடந்தாலும், உண்மைகள் இனியாவது வெளியில் வரட்டும்!
http://www.envazhi.com

அதான் ரஜினி!

ரஜினி அரசியலில் இல்லாமல் இருக்கலாம்; ஆனால் அவரைச் சுற்றி அரசியல் இருக்கிறது... என்று சிவாஜி வெள்ளிவிழாவில் கவிஞர் வைரமுத்து சொன்னதன் உண்மை சிலருக்கு இப்போதாவது புரிந்திருக்கும் என நம்புவோமாக...

தன்னைச் சுற்றி இவ்வளவு அரசியல் நடந்தாலும், அதற்குள் தன்னை இழுக்க எவ்வளவோ முயற்சிகள், பகீரதப் பிரயத்தனமாய் தொடர்ந்தாலும் அதற்கு உடனடியாக மயங்கிவிடாத யோகியின் மனது அமையப் பெற்ற தலைவர்கள் மகாத்மா காந்தியைப் போல ஒரு சிலர் மட்டும்தான் இந்த நாட்டில் காணக் கிடைத்திருக்கிறார்கள்.

அப்படி ஒரு உன்னதமான மன நிலைக்கு தன்னைத் தயார்படுத்திக் கொள்கிறார் ரஜினி என்பதுதான் அவர் தொடர்பான சமீபத்திய நிகழ்வுகள் நமக்கு உணர்த்துபவை.

ரசிகர்கள் கட்சி ஆரம்பித்ததற்கு ஒரு எச்சரிக்கைக் கடிதம் எழுதியதில் தொடங்கிய ‘ரஜினி அரசியல் பரபரப்பு’ இந்த ஒரு மாத காலத்துக்குள் சுற்றிச் சுழன்று தமிழகத்தில் புதிய புயலைக் கிளப்பி வருகிறது.

இனி ரஜினியின் 'அரசியல் வாய்ஸ்' எடுபடாது என்று சில ரசிகர்களே கூட அயர்ந்து போய்விட்ட நிலையில், இலங்கைத் தமிழருக்கான உண்ணாவிரதம், ரசிகர் மன்ற நிர்வாகிகள் சந்திப்பு என கிளம்பிய பரபரப்பு, இப்போது அத்வானி சந்திப்பு வரை வந்திருக்கிறது. அன்று அயர்ந்து போய்க் கிடந்த ரசிகர்கள் எல்லாம் இப்போது, ‘அட நம்ம தலைவர்தான் அடுத்த சிஎம்மாக்கும்...’ என்று அடித்தொண்டையில் சந்தோஷமாய் குரலெழுப்புவதைப் பார்க்க முடிகிறது.

மீடியாவுக்கோ, தங்கள் முகத்திரை கிழிந்து போன கவலை. தமிழ்நாட்டு மக்கள் எதை எழுதினாலும் படிப்பார்கள்தான்... ஆனால் எதை எடுத்துக் கொள்ள வேண்டுமோ அதை மட்டுமே கணக்கில் கொள்வார்கள்.. மற்றதை குப்பைத் தொட்டிக்கு சொந்தமாக்கி விடுவார்கள் என்ற உண்மை புரியாமல் பொய்யை எழுதியதால் கிடைத்துள்ள அவமானத்தால் வந்துள்ள கவலை அது.

இன்று பாவிகளின் பொய் பிரச்சார சாதனமாகத் திகழும் விஷ விகடன்கள், நாளொரு வண்ணம் பூசிக் கொண்டு சுயத்தை இழந்து நிற்கும் குமுதங்கள், அதல பாதாள சரிவை நோக்கிச் சென்று கொண்டிருக்கும் பொய் மலர்கள் எல்லாமே, எதைத் தின்றால் பித்தம் தெளியும் என்ற பிரமையில் உளறிக் கொட்டிக் கொண்டிருக்கின்றன. இவை உளற உளற... அதுவே ரஜினிக்கு நல்ல உரமாக மாறிக் கொண்டு வருகிறது.

மக்களின் இந்த தெளிவு கடைசி வரைத் தொடர வேண்டும் என்பதே நடுநிலையாளர்கள் விருப்பம்.

சாராயம் குடித்த குரங்கை ஒரு குளவியும் கொட்டினால்... எந்த மாதிரி கிறுகிறுப்பு வருமோ அப்படியொரு போதைதான் அரசியல் அதிகாரம். ரஜினியின் நிலையில், வேறு ஒரு நடிகர்தான் என்றில்லை... வேறு யாராக இருந்திருந்தாலும் இந்நேரம் இந்த போதாக்கு அடிமையாகி தொலைந்தே போயிருப்பார்கள்...

இங்குதான் நாலு பேர் தலைவா என்றால் அடுத்து நான்தான் சிஎம் என்று இவர்களாகவே ஒரு நாற்காலி செய்து தூக்கிக் கொண்டு அலைக்கிறார்களே...

ஆனால் இந்த மனிதரைப் பாருங்கள்.... இவர் தீர்க்கதரிசி... பல தீர்க்கதரிசிகளின் ஆசி பெற்ற தீர்க்கதரிசி. அதுவே அவரை என்றும் கட்டுப்பாட்டுடன் நடந்து கொள்ள வைக்கிறது.

நேற்றைய நிகழ்வையே பாருங்கள்...

அத்வானியின் சிறப்பு அழைப்பாளராக மேடை ஏறிய ரஜினி, அவரிடம் புத்தகத்தை வாங்கிக் கொண்டு திரும்புகிறார்.

ஒட்டுமொத்த மீடியாவும் விழாவை விட்டுவிட்டு ரஜினியின் பின்னால் ஓடி வந்து அவரை வழி மறிக்கிறது.

சார் சார் சார்... ஒரே ஒரு கேள்வி சார்... ப்ளீஸ்...ப்ளீஸ்...

நோ..நோ... இப்போ எதுவும் வேணாமே...

சார்... அத்வானியிடம் அரசியல் பேசினீர்களா...?

நோ.. திஸ் ஈஸ் எ கர்ட்டஸி விசிட்... இது மரியாதை நிமித்தமான சந்திப்பு... நத்திங் ஸ்பெஷல்!

சார், நீங்க பிஜேபிக்கு ஆதரவா பிரச்சாரம் பண்ணுவீங்களா?

ஓ... நோ நோ... அப்படியெல்லாம் எதுவும் கிடையாது.

நீங்க கட்சி ஆரம்பிக்கிறதா முடிவு பண்ணிட்டீங்களா சார்..?

ஸாரி... இது தேவையில்லாதது.

-அதான் ரஜினி!

எங்கும் எப்போதும் நிதானமிழக்காத, சுய கட்டுப்பாட்டுடன் கூடிய தலைவர்... இந்த தமிழ்நாடு இதுவரை பார்த்திராத தலைவராக ரஜினி உருவாகிக் கொண்டிருக்கிறார் என்பது மட்டும் உறுதி.

அவர் எப்போது வேண்டுமானாலும் வரட்டும்... ஆனால் அவர் வரும் நாள் நிஜமாகவே தமிழகத்தின் புதிய அரசியல் கலாச்சாரத்துக்கு, புதிய விடியலுக்கு வழிவகுக்கும் என்பது மட்டும் உள்ளங்கை நெல்லிக்கனி. அந்த நம்பிக்கை நடுநிலையாளர்களுக்கும் மத்திய தர மக்களுக்கும் வந்திருப்பதுதான் விசேஷம்!

குறிப்பு: வழக்கம்போல் இந்தப் பதிவுக்காகவும் விமர்சனக் கணைகளோடு வரும் பதிவர்/வாசகர்களுக்கு...

இங்கே எதையும் நாம் இட்டுக் கட்டிச் சொல்லவில்லை. மிகைப்படுத்தல் இல்லாத ஒரு சமப் பார்வையுடன்தான் இதை எழுத முயற்சித்துள்ளாம். படித்துவிட்டு சில நிமிடம் யோசித்துப் பார்த்து நீங்கள் விமர்சிக்கலாம்.

ஆரோக்கியமான விமர்சனங்களை என்வழி நிச்சயம் அனுமதிக்கும்!
http://www.envazhi.com

Exclusive: எந்திரன் கோவா படப்பிடிப்பில் சூப்பர் ஸ்டார்!

சக நடிகர்கள் தொடங்கி சாதாரண ரசிகன் வரை அனைவரையும் கட்டிப் போடும் அற்புத சக்தி மிக்கவை ரஜினியின் கண்கள்.

மிகச் சிறந்த தவசீலர்களுக்கும் யோகிகளுக்கும் மட்டுமே அமையப்பெற்ற வசீகரமும் இறைத் தோற்றமும் நமது ரஜினியின் கண்களுக்கு மட்டுமே உண்டு.

முதன் முதலில் அவரது கண்களின் தீட்சண்யம் கண்டு நான் மிரண்டு போனது ஜானி படத்தில், துரோகியாய் மாறும் காதலி தீபாவாவைக் கொன்றுவிட்டு ஒரு வெறித் தோற்றம் காட்டுவாரே அந்த காட்சியில்.

சந்திரமுகி வேட்டைய ராஜாவின் கண்களைப் பார்த்தபோது மீண்டும் அதே உணர்வை அடைந்தேன். அந்த பார்வையின் சக்திக்கு நிகரான வசனங்களை எவ்வளவு பெரிய இயக்குநராலும் எழுத முடியாது, அதற்கு நிகரான உணர்வுகளை எவ்வளவு சிறந்த நடிகராலும் காட்ட முடியாது. காரணம் அந்தக் கண்களில் தெரிவது வெறும் நடிப்பல்ல... ஒரு நல்ல மனிதரின் மனம். நல்லவரின் பார்வையை எதிர்த்து எவராலும் சில விநாடிகள் கூடத் தாக்குப் பிடிக்க முடியாது.

பாபாவில் ரஜினி இப்படிச் சொல்வார்: “ஐயா... யாராவது பேசும்போது நான் அவங்க முகத்தைப் பார்க்க மாட்டேன். கண்களைத்தான் பார்ப்பேன். பொய் சொல்றவங்களை அவங்க பார்வையிலேயே கண்டுபிடிச்சிடுவேன்!”



-இந்த மாதிரி ஒரு மனிதரின் பார்வைக்கு எதிரே எவர் நிற்க முடியும்! அதனால்தான் அவர் முதுகுக்குப் பின் தூற்றுவோரும்கூட முகத்துக்கு நேரே வந்தவுடன் வாழ்த்திப் பாட ஆரம்பித்து விடுகிறார்கள்!

இங்கே எந்திரன் – தி ரோபோ படப்பிடிப்புக்காக கோவாவில் முகாமிட்டுள்ள சூப்பர் ஸ்டார் ரஜினி, படப்பிடிப்பு இடைவேளையில் அமர்ந்திருக்கும் காட்சியைப் பார்க்கிறீர்கள். காணக்கிடைக்காத இந்த அரிய காட்சியை, சூப்பர் ஸ்டாரின் அதி தீவிர ரசிகர் ஒருவர் கோவாவில் காத்திருந்து படம் பிடித்து அனுப்பியிருக்கிறார்.

நண்பர்களே... உலகில் நீங்கள் எத்தனையோ சிறந்த நடிகர்களைத் திரையில் பார்த்திருப்பீர்கள், ரசித்திருப்பீர்கள்.

இந்தப் படங்களை ஒரு முறை பாருங்கள். இந்த சூரியப் பார்வைக்கு நிகராகுமா மற்ற நட்சத்திரங்களின் மினுக்கல்கள்!
http://www.envazhi.com